黃家諾(Jimmy)前晚以特別嘉賓身份,到中環擔任法國皮鞋騷的模特兒,他穿上紫紅色西裝,與性感金髮模特兒示範各款皮鞋,模特兒不停在黃家諾身邊擺出惹火甫士,令場內氣溫急升。
不過黃家諾自言不覺得豔福無邊,他說:「都係工作啫,咁樣個騷變化多啲,好睇啲,都係大會要求,之前都有綵排過。」提到早前被拍下與同性型男約會,黃家諾說:「我個朋友係同性,不過佢有女朋友㗎,我唔會理啲報道係點,生活係為我自己過嘅。」他又大讚前女友關之琳新髮型非常漂亮。
此外,同場現身的趙世曾談及趙世光近況,他說:「佢精神好好,頭腦清醒,成日返公司,又坐輪椅去會所打高爾夫球,唔係外面講咁嚴重。」
採訪、攝影:卓美娟