電視購物頻道行政總裁劉嘉玲，昨日出席該頻道的啟播儀式，適逢她三十九歲生日，身在韓國的男友梁朝偉預先拍攝片段祝賀女友，令嘉玲冧到痹。晚上嘉玲則在遊艇會開派對慶祝，偉仔母親和林青霞亦有赴會。
昨日三十九歲生日的劉嘉玲，下午往中環出席「TVMART寰宇購物佳」電視頻道啟播儀式，擔任該頻道行政總裁的嘉玲一身火紅低胸裝赴會，性感誘人。由於男友梁朝偉正在韓國趕拍電影《韓城攻略》，未及返港陪伴她慶祝生日，但預錄了片段在現場播放，嘉玲看後笑不攏嘴。
偉仔在片段中說：「劉嘉玲生日快樂，恭喜你喺工作上有新嘗試，希望呢個新開始可以帶畀你好多成功感，咁多年我一直喺身邊支持你，將來都會係，今日趕唔切返嚟，相信你會明白我。」
嘉玲表示事前不知道會播放偉仔的越洋恭賀片段，她說：「我覺得好sweet，雖然重未收到佢嘅禮物，但已經好開心。佢亦一早打咗電話畀我。」嘉玲覺得昨日「一二八」是特別日子，主持購物頻道啟播儀式很好意頭，故她特別挑選了火紅靚衫到場，她認為美中不足是偉仔未能出席分享，而TVMART亦特別送上法拉利手提電腦和價值十八萬元的鑽石頸鏈給壽星女。
嘉玲說：「我叫朋友唔好送禮物，最好送禮金，可以拎啲錢去做善事。我嘅生日願望係身體健康，好好享受同珍惜生活中嘅每一日同每一個朋友。」對於偉仔失意台灣金馬獎，嘉玲力撐說：「唔使安慰佢，我覺得偉仔演技有目共睹，呢啲唔使我講，華仔（劉德華）攞我都戥佢開心。」
曾志偉昨日亦抽空出席啟播儀式，他笑說：「我要快啲同TVB解約，咁就可以上呢個購物台，到時叫埋何守信同沈殿霞。」嘉玲推介購物台甚麼都有得賣，志偉打趣說：「可唔可以拎我老婆出嚟拍賣？」
另外，嘉玲昨晚在深灣遊艇會筵開十二席賀生日，偉仔母親、王家衞、關之琳、杜汶澤、關秀媚和林青霞等均有赴會，嘉玲約在晚上七時許抵達遊艇會，她表示生日派對是自己付錢，希望與朋友聚一聚。
採訪：王崇穎
攝影：陳偉權、娛樂突發組
