民主黨李柱銘最近原本應該開心，因為民主黨周日改選，佢一直希望出現嘅主席爭霸戰果然實現，有陳竟明同李永達爭，今日會喺銅鑼灣教協舉行選舉答問大會。但又有周刊玩馬丁，大篇幅報道，話佢同劉慧卿十七年前有段地下情，當時男嘅係基本法草委，女嘅係政治記者，重刊出兩人當年喺昆明開基本法會時嘅一張合照。
八方噚日喺立法會問馬丁，事件有冇影響佢同太太嘅情緒，佢好輕鬆咁話當時冇，問佢太太有冇笑佢，相中當年嘅馬丁好後生，馬丁話，太太如果唔笑，自己就慘，轉過頭又問八方，「乜我𠵱家個樣唔後生咩？」馬丁重識講笑，咁即係無事啦。至於卿姐，梗係冇嘢講。
（圖）卿姐一句唔答九一年做議員前嘅私事，邊個重敢問佢。
傳真︰2623-9278
電郵︰