噚日立法會辯論醫療改革，輪到衞生福利及食物局局長周一嶽發言，佢開始講冇耐，會議廳內就傳出電話鈴聲，而且重一路咁響，究竟係邊個咁唔畀面周局長兼犯會規呢？
主席范太自然要搵真兇，點知周局長突然「自首」向范太道歉，原來係佢自己個電話響，范太惟有叫佢熄咗個電話，身為大醫生嘅周一嶽竟然好無奈咁話：「我唔識得熄喎！」搞到全堂一齊大笑。
又香港復康會同數碼港租戶聯會將會喺嚟緊嘅星期日，一早喺數碼港搞個名為「健康萬步數碼港」嘅活動，分別進行五公里賽跑或四公里步行項目，重有嘉年華會，有興趣可以報名參加。
傳真︰2623-9278
電郵︰