達明一派紀念二十周年嘅「為人民服務」演唱會今晚開騷,第一晚嘅特別嘉賓,竟然請咗大狀黨嘅湯家驊同梁家傑,兩個大狀重會同黃耀明,一齊唱《你還愛我嗎?》好少立法會議員可以去紅館唱歌,佢兩個今鋪真係破格。
佢哋為咗預備首個演唱會,噚晚立法會收工後都要去練歌。傑哥同八方講,其實佢哋同黃耀明唔係特別好交情,只不過佢同湯大狀曾經喺港台節目《頭條新聞》,公開合唱過達明嘅《你還愛我嗎?》,重代表頭條新聞頒獎畀黃耀明,因為呢首歌喺節目嘅播放率好高。
𠵱家啲演唱會化妝好誇,歌星勁歌熱舞。問到傑哥會着乜衫?會唔會跳番兩隻舞?傑哥話,佢開完工先去,都係照舊着西裝啦。班記者嫌佢着得頹,佢就反問咁話:「咁着魚網好唔好?」
傳真︰2623-9278
電郵︰