呢輪啲新聞旺土同埋旺二撇雞，張超雄搞公投，跟住紅灣半島、愉景灣、西九龍以至領匯，全部都同房屋及規劃地政局局長孫明揚有關。
當然最佳辦法係見招拆招，紅灣來勢最勁，周一班尊貴議員話要成立專責委員會，如果周五內會通過，真係大大鑊，所以孫鬍子先出手救近火，喺周二晚借民建聯聲明過橋，話會盡量滿足班尊貴議員嘅要求，公開資料。
周三上午鬍鬚孫去立法會帳委會解釋愉景灣靜靜雞改變土地用途一事，翻二十年前舊帳，孫公梗唔驚，重講笑話「唔通炸咗佢」。同一時間，大班又搵到公屋居民入稟法院想阻領匯上市，話孫某賤賣政府資產。好彩係益街坊，佢梗係懶得理。
不過佢點都要應酬煲呔，今日要寫好為西九護航鴻文，交報章刊登，而周五開內會，重要昅實。
（圖）孫公（左）同大班傾偈啫，唔好以為佢為領匯事件向大班彎身道歉呀！
李家皓攝
傳真︰2623-9278
電郵︰