黃宇詩前晚接受電台訪問，談到亡父黃霑生前的感情生活多姿多采，她表示父親曾傳授她追男仔心得，又叮囑她不要那麼快揀定男友，應跟不同的追求者發展。
一代鬼才黃霑日前病逝，生前廣為人知的三段情分別是與前妻華娃、舊愛林燕妮和遺孀Winnie，霑叔的女兒黃宇詩前晚接受電台訪問時，大談父親生前曾向她傳授拍拖心得。
黃宇詩前晚在新城接受薛家燕（好姨）訪問，對於父親黃霑的紀念特刊在網上炒賣，她表示巿民其實可在網上下載。
黃宇詩說：「大家可能對佢太深刻，不過紀念特刊炒唔炒冇得管，控制唔到，加印都唔夠，個個都想要。」
好姨大讚霑叔生前的主診醫生條件頗佳，不過黃宇詩本身已有中日混血好友深澤寬，日前又跟同樣是中日混血兒的周子駒傳緋聞，黃宇詩笑說：「佢哋個個都係我好朋友，中日混血兒幾好，如果係金城武重好。」
問黃宇詩其父生前會否管她拍拖，她說：「阿爸唔會過問，佢唔會理我呢啲嘢，佢不嬲都好放心我。」
陳淑蘭曾表示霑叔當年教她如何追前男友祁文傑，那霑叔可有教女兒追男仔心得？她說：「佢叫我個個都試吓，唔好咁快揀定。爸爸重話做人最好冇秘密，但我覺得好難做到呢一點。」
而黃宇詩做完訪問後，乘坐好姨的保母車離開，到達尖沙嘴時即下車，一直迴避記者追訪。
採訪、攝影：胡比
