近排經濟好轉，人人都話公司應加人工，作為股票交易場嘅港交所，今年成交額屢破二百億元，冇理由冇人工加。港交所行政總裁周文耀噚日話，港交所雖然人手緊絀，但員工仍有出色表現，因此會喺下星期召開嘅董事會會議上，建議調高僱員薪酬。但佢就賣個關子，話要等董事會通過先至宣布，不過就希望加幅可以好過市場平均約百分之二嘅水平，另外又建議向表現良好嘅員工派發花紅。
上市公司愈來愈多，周總裁話，港交所需要增聘人手，出年計劃增聘三十人，其中上市科佔二十人。睇來只有金融界至唔會話有失業問題。
傳真︰2623-9278
電郵︰