警隊耗資五億四千萬港元推行嘅第三代指揮及控制通訊系統計劃，今日終於喺新界區率先面世喇，警方話𠵱嗰數碼化雙向通訊系統，係採用互聯網規約嘅集群無線電標準（TETRA）為基礎，比起第二代嘅通訊系統更加保密、更有效、更快捷咁喺同一時間，將訊息連繫到各警區，同時又可以直接駁到指定嘅其他政府部門。簡單嚟講，系統除咗有追蹤九九九緊急求助電話功能外，如遇到緊急事故發生，控制中心會即時確定巡邏警車、同巡邏警員嘅準確位置，迅速咁調動人手同資源。警方又話，警隊喺亞太區所採用嘅通訊範疇上，係領先其他國家，咁香港人咪好值得驕傲囉！
傳真︰2623-9278
電郵︰