劉德華昨日由北京坐長途火車抵港，華仔因擔心丟失金馬影帝獎座，故在車上把獎座藏在枕頭底才敢入睡。回港後即開記招宣傳，忙個不停。
劉德華在台灣贏得金馬影帝後，翌日便趕往上海和北京宣傳新片《天下無賊》，前日他又馬不停蹄由北京坐長途火車返港。
昨午一點半，華仔與《天》片導演馮小剛、演員葛優、李冰冰和劉若英等，抵達紅磡火車站舉行記者會。
經過二十五小時的車程，略帶倦容的華仔說：「喺火車度冇涼沖就唔係咁方便，我最驚唔見咗金馬獎呢個獎座，所以我將個獎擺喺枕頭底度先安心瞓。」華仔接連為新片宣傳，一直沒有機會回港，所以他去到哪裏，都會隨身帶着獎座，華仔說：「個獎咁重要，我係驚唔見，我擺喺枕頭底就唔怕遺失，𠵱家順利攞返嚟啦！」
劉若英在《天》片與華仔飾演一對，最搞笑是華仔得金馬影帝，不少朋友竟留短訊恭喜她，當正她是華嫂，令劉若英感到啼笑皆非。
華仔透露《天》片會安排在香港某個監獄放映，讓囚犯在聖誕節有電影看，華仔說：「我都唔知係邊個提出呢個要求，但我經常會去探囚犯，輔導佢哋，我希望佢哋睇完部戲會感受到世界和平係幾美好嘅。」
此外，早前林志玲表示暗戀華仔多年，華仔昨日說：「林志玲已經好靚，好忙，好多嘢做，唔需要呢啲嘢！」
採訪：魯萍
攝影：林德雄
