香港大學公布，向五位傑出人士頒授名譽大學院士名銜。今年獲得嘅有李麗娟、陳鑛安、陳志海、羅慷烈同利陸雁群。除咗眾人契媽民政事務局常任秘書長李麗娟外，相信其他四個名字都唔係咁多市民認識。陳鑛安係前任港大動物學系教授，有「嘉美雞之父」之稱；陳志海係港大出身嘅大律師；羅慷烈就係退休港大中文系教授。
跟住呢個重堅，就係多年來鼎力捐助港大醫學院嘅利陸雁群，好生外？利陸雁群之唔係《勁歌金曲》頒獎禮唔少得佢嗰份嘅無綫董事利孝和夫人囉。港大呢個名譽大學院士喺九年前設立，目的據講係表達大學對傑出人士嘅尊崇，加強大學同社會聯繫咁話，但係八方發覺呢個名銜，近屆都係頒畀啲港大校友或者捐助者，都幾益自己人。八方都有樣嘢想益港大，港大新聞稿中所講嘅「李女士（李麗娟）現時任職政府民政處常任秘書」係錯嘅，唔係「民政處」，係「民政事務局」先啱，佢亦唔係「秘書」，而係「秘書長」。
傳真︰2623-9278
電郵︰