韓國女星河知雲同埋佢前經理人早前被韓國某作曲家以違反推出唱片合約為理由，入稟法院追討賠償，法庭裁定兩人分別要賠償十一萬港元。而河知雲喺前日拍攝新戲《刑警》嗰陣又跌傷後腦，非常黑仔，好彩冇乜事可以出院。另外，電影公司為咗宣傳河知雲主演嘅電影《長腿叔叔》，設立咗七萬港元嘅獎學金，捐畀有需要嘅學生。