MaggieQ前晚在北京出席意大利配飾品牌Tod's新店開幕禮時，大談前男友吳彥祖日前獲台灣金馬獎「最佳男配角」，很替對方驕傲。稍後她為有份演出的德國電影在港揀蟀，坦言吳彥祖是最佳人選。
品牌Tod's在北京國貿商城開設新店，前晚舉行開幕剪綵及晚宴，請來混血名模MaggieQ及內地紅星周迅擔任剪綵嘉賓。北京現時氣溫只得兩、三度，但MaggieQ前晚仍身穿品牌Alaia白色無袖薄裙，與穿上厚身外套的周迅相映成趣。
MaggieQ表示剛完成電影拍攝，聖誕到夏威夷度假後會再拍新戲，她說：「下年四、五月我會再拍一部投資好大嘅德國電影，扮演女殺手，重會第一次正式做production，幫手喺亞洲casting，包括香港明星，陳冠希會試鏡，我都想請Daniel（吳彥祖）扮演其中一個角色，不過要睇番佢嘅檔期啦。」
每次提起前男友吳彥祖MaggieQ都讚不絕口，她說：「佢真係最佳人選，佢識功夫、身手又好，有真正嘅技術拍動作片。」她更表示很替吳彥祖日前奪得台灣金馬獎「最佳男配角」驕傲，並已致電對方道賀。
此外，MaggieQ前晚與Tod's總裁、家族第二代傳人Diego不時搭膊、攬腰，有傾有講，狀甚老友，冷落了周迅。
MaggieQ說：「前幾日我喺中國會識咗Diego，當時都唔知佢嘅工作，大家後來話去北京公幹，原來係同一個function，真係好巧合。」
記者JessicaNgan、RickyIp北京直擊
