不論在質料或外形上，眼鏡潮流每季都在變，但要與眾不同，市面上大眾化兼劃一的眼鏡款式，可能都未能滿足你同我。超級眼鏡名牌AlainMikli，香港專門店最近就推出獨一無二、史無前例地製作眼鏡服務—MadeinPassion，Alain親自為你度身訂做一副「私家超」！不但更個人化、更獨家，重保證你戴得至舒適！
記者：梁珮瑜 攝影：陳智良
香港訂做法國製作
AlainMikli：「我特別為今次活動設計了一批眼鏡，將不會廣泛地流傳，只是為我身邊重要的人及朋友而設。」一向以創意及技術見稱，設計師AlainMikli的自家品牌AlainMikli（以下簡稱AM），今次就為香港顧客提供獨家的製作概念——MadeinPassion。由你揀眼鏡框款式及顏色，跟住專業配鏡師會幫你仔細量度鏡臂長度、鼻樑闊度等。然後資料會傳送到法國總部，由Alain為你度身訂做，設計一副配合晒你頭形的眼鏡，再由法國專業技師負責製作，兩個月後便可完成兼送回香港。價錢雖然係正價嘅兩倍，但保證戴得舒服、啱晒你面形！
預訂日期：即日起至05年2月4日
大師親自講解獨門超
國際聞名的AM，質料及設計方面當然係傑作，在MadeinPassion預訂期間，香港專門店內亦同時舉行一個小型展覽，展出部份眼鏡原材料及分件，唔買眼鏡都可以免費參觀，機會難得！而Alain亦為我哋講解他的特色，每副超都好講究。
板材膠料
AM愛用的板材膠料（Acetate）係一種含70%棉質的獨有天然物料，而Alain本身亦係運用板材膠料的專家。為保證質量，AM與板材製造公司Mazzucchelli合作，共同研發，而每塊板材都會經過最少3年的自然收縮處理，才用來製作眼鏡，所以眼鏡唔容易變形！
專利理念
AM眼鏡將頭形學及穴位針灸的研究理念，引入鏡框及鏡臂的設計中，令佩戴者有最大的舒適度。而這個令佩戴更舒適的理念，更獲得專利。
微曲鏡框
由框架向鏡臂尾部漸漸地彎曲，令鏡臂可輕輕貼面及逐漸包圍整個頭部，效果流線及緊貼面形。而鼻托位係根據鼻的形態來設計，更由整塊板材逐步磨製而成，確保完全舒適及配合鼻形。
鏡臂加重
將鏡臂尾部加重，可平衡整副鏡框的重量；而闊大的鏡臂尖端，亦可支撐整副眼鏡的重量。
鏡框製造6部曲
一副靚超除咗設計正，製造技術亦好重要。MadeinPassion的度身訂做眼鏡，以人手剪裁、鑲嵌及打磨等，製作過程當然唔簡單，但鏡框製造可分為6部曲，即睇！
MadeinPassion訂做價貴一倍
Alain特別為今次MadeinPassion活動設計咗多款眼鏡，配合不同顏色更可變化出數十款式，而訂做價會係以下各副眼鏡正價的兩倍，價錢唔平但絕對矜貴兼巴閉！
售賣點：AlainMikli（25230103）
中環威靈頓街28號地下
