鄧萃雯昨日在旺角出席剪綵儀式，不少fans仍大叫「支持如妃」，她亦行頭十足，身上鑽飾價值達一百四十萬元。雯女善心過人，身穿的紅色晚裝將會作慈善拍賣。
鄧萃雯昨日在旺角朗豪坊為Jessica時裝店擔任開幕剪綵嘉賓，行頭十足，穿上紅色的晚裝外面再加皮草，而所佩戴的鑽飾，則由JustGold贊助，總值約一百四十萬港元，當中一對鑽石耳環重六點二卡，價值七十二萬港元，而鑽石頸鏈則約值七十多萬港元。
昨日現場吸引數十名市民圍觀，當中有些老婆婆fans更大喊說：「如妃娘娘加油呀！我哋支持你。」鄧萃雯被在場的影迷逗得十分高興，連番感謝一眾支持者。鄧萃雯接受訪問時說：「今日我幫呢間舖頭剪綵，係因為佢哋成日贊助晚禮服畀我着，今日我身上着緊嘅服裝，遲啲會攞嚟慈善拍賣，底價係二萬元，籌得嘅善款會撥捐畀青少年愛滋教育中心，我係呢個會嘅主席，我都好多謝Jessica肯捐呢套衫畀我個會拍賣。」
鄧萃雯自言以前很喜歡買晚裝，但近年她認為此舉很浪費，所以決定找贊助商幫忙，鄧萃雯說：「晚裝着一次就冇乜機會再着，其實幾浪費，啲衫擺喺屋企，又阻地方，畀人又冇人啱着，所以我終於諗通，索性搵人贊助，又可以慳番置裝費。我其實只想追求簡單生活，唔會局限喺明星嘅世界度，人都係要瞓一張床，生活係可以好簡單。」
採訪：馮美茵 攝影：何國豪
