長毛（圖右）做咗尊貴嘅議員後，照樣同唔少受欺壓嘅打工仔出頭，即使係搶緊香港人飯碗嘅內地黑工，佢都一樣照幫。立法會保安事務委員會噚日討論黑工問題，唔少議員都要求港府向內地爭取收緊發證措施杜絕黑工，有人提議加重判刑，但係信奉馬克斯主義嘅長毛就另有一番見解。
長毛話工作係人權，人哋都係搵工做有乜嘢罪，佢認為入境處拉到黑工就應該即時遣返，唔使判監免得嘥政府米飯。佢認為針對黑工應該拉晒喺大陸嗰班亂發簽證嘅貪官，將佢哋打靶。長毛又好唔妥資本家，認為請黑工嘅僱主十惡不赦，呢頭請黑工嗰頭報寸拉人，想走稅又想唔畀人工，佢話要重判就應該重判班僱主，請幾多黑工就判幾耐咁話。
傳真︰2623-9278
電郵︰