眼鏡股泰興（389）上次收購唔成功後，終於搵到檔size細少少嘅美國眼鏡連鎖店，雖然話細少少，但泰興都要拎成35億銀出嚟，實在存在一定風險，但有大行就似乎睇得相當好，話收購對泰興產生協同效應，有利產品銷售，可提升泰興盈利。
泰興做眼鏡廠起家，到第二代銳意發展分銷業務，而且重愈搞愈大，由家族生意變成一檔跨國企業，單睇呢點已經好成功。
經紀黃同意今次收購唔係完全冇風險，皆因過往香港企業在外國收購業務，有唔少失敗例子，當中需要大量心血及時間才可以整合於本身企業內，所以家陣就判斷掂唔掂，未免言之尚早。
泰興噚日復牌，大升6.22％，收4.70元，成交股數630萬股，金額2915萬元。
另外，經紀黃噚日推介信星集團（1170），股價即刻有反應，大升11.25％，收2.225元，成交重唔細，有493萬股，金額1070萬元。
慕容小初