香港管理專業協會噚日舉行2004最佳年報頒獎典禮，最佳年報獎得主由中電控股奪得，評審單位話，中電本年報，係一本出眾、拍得住國際級標準年報云云，即係一流啦。
本來八方都諗住問吓中電包立賢有乜得獎感受，可惜噚日爆單滙豐恒生大執位，大家又要將目標放番喺寶哥哥李國寶身上，問吓佢有乜comment？咁寶哥哥亦好識做，講番兩句。
至於非牟利?慈善團體組別，三個得獎者分別係金管局、證監會同馬會。至於一般組別，滙控就攞咗個金獎，而成日出事嘅兩鐵亦都齊齊取得銀獎，恒生、大酒店同九巴攞銅獎，真係皆大歡喜。咦，熟口熟面，乜咁似一年一度嘅樂壇頒獎禮？
（圖）中電嘅包立賢（中）由李國寶（左）手上領過大獎。
傳真︰2623-9278
電郵︰