唐唐當年一句，「相信我有生之年，失業率唔會回復至九七年百分之二點二嘅水平」真係深入民心，雖然事隔兩年幾，但相信唔少人都重好記得。大班噚日朝早喺立法會就翻唐唐舊帳，兩次叫佢公開收番呢句話，擺明係玩唐唐，搞到唐唐有啲嬲，忍唔住還拖。
唐唐話大班，重提呢啲係為咗「博出位，博聽日見報」，吸取過呢次教訓，佢已經總結經驗，以後都唔會再預測失業率！
最近幾單大嘢，好似西九、紅灣咁都同唐唐無關，所以立法會朝早好靜，到下晝傾紅灣當然開晒片。反對拆樓嘅民建聯蔡素玉，呢鋪終於唔做保皇黨，支持徹查紅灣，佢噚日喺商台話，要考慮同個黨申請豁免投票！
其實民建聯都未表態，都係蔡菜子夠了解啲黨友，知道佢哋個個去到最後關頭都做晒保皇黨，不如提早話要豁免，實行劃清界線。
（圖）好多人都會俾大班窒到冇聲出，但唐唐反應夠快，重笑笑口㖭，犀利！梁鑑章攝
傳真︰2623-9278
電郵︰