以往鮮有會見傳媒嘅恒地大公子李家傑，噚日居然一反低調作風，陪父親李兆基出席西九解話記者會時，竟然獨自答咗記者一輪問題！對於有報道話佢已達到與世無爭嘅境界，佢就好大反應咁話：「梗係唔係啦！若果真係與世無爭，就唔會企喺度同記者講嘢啦！」問到有報刊話佢熱愛茶藝，飲成五萬元一餅嘅普洱茶，佢就笑笑口話，「我都想有朋友送幾萬蚊餅嘅普洱畀我呀。」
重有，當大家問到佢細佬同靚女徐子淇戀情嘅最新進展時，佢嘅反應係「做乜問我」？「要問就自己去問細佬啦！」而當大家調轉槍頭問大公子自已嘅戀情時，佢就只係拋低一句——無可奉告！
（圖）一提到戀情問題，李大公子（中）即刻耍手擰頭，真係低調。
傳真︰2623-9278
電郵︰