賭王何鴻燊前晚慶祝八十三歲生日，獲四姨太梁安琪獻吻。梁安琪送了卡地亞手表給賭王，希望老公時刻記住她，賭王說：「十幾年嚟，日日夜夜都咁恩愛㗎！」
賭王何鴻燊每年生日都要連環與多名太太慶祝，上月二十五日他八十三歲生日正日，與二姨太藍瓊纓及子女食飯慶祝。
前晚四姨太梁安琪為賭王補祝生日，在上環澳門賽馬會金潮閣筵開二十席，女兒超雄、鄭裕彤、楊受成、楊海成、「新界地王」劉皇發夫婦和趙曾學韞等均有到賀。
梁安琪一早到場打點，以火紅色Valentino晚裝配巨型鑽石頸鏈的她說：「舊嘢嚟啫，一年『宏偉』一次啦！今年我送咗隻卡地亞手表畀佢（指賭王），等佢時時刻刻記住我，啲仔女就畫咗張賀卡畀daddy。」問梁安琪可會再為賭王添子女作禮物？她即說：「我幾多歲呀？重大過青霞，佢就好生得，我老喇！」
賭王約八時到場，記者要求梁安琪獻吻賀壽，她即攬住賭王，嘴對嘴連錫兩次，賭王一臉受落，回味再三，他說：「唔使時時刻刻掛住，十幾年嚟，日日夜夜都咁恩愛㗎。」問到生日願望，賭王說：「年年都一樣，係身體健康。」
數年前賭王生日祈望長命一百五十歲，前晚他大幅度修正說：「一百五十歲係人哋講啫，我一百歲就夠喇。」賭王謂現時身體狀況好，又大講威水史，他沾沾自喜說：「我前日去咗澳門，同廣州、香港、北京、澳門四個地方嘅波友鬥網球，鬥足二十七個game，最後六比二、六比三、六比四贏晒，算係咁啦！」
採訪：RitaLeung
攝影：MatthewLam
