顧嘉煇昨日下午與無綫製作部助理總監何麗全及恆藝亞洲負責人丘亞葵等，到尖沙嘴帝苑酒店午膳，商討明年二月演唱會的事宜。丘亞葵事後接受訪問時表示，因黃霑病逝後煇哥心情尚未平復，故明年二月演唱會決定取消。
丘亞葵說：「我哋唔做嘅另一個原因，係唔想俾外界誤解，因為呢排聽咗好多閒言閒語，話我哋想利用霑叔嚟搵錢，我想講清楚，出年嘅檔期由始至終都係話做『顧嘉煇榮休演唱會』，而唔係做『煇黃』，可能因為大家以為霑叔係嘉賓之一而有所誤會。
「不過，我哋打算明年底同煇哥舉行一個大型嘅榮休音樂會，向煇哥致敬，希望藉此推動粵語流行曲，煇哥本人都好有興趣。至於出年二月個期，我哋可能會做第啲嘢，又或者係讓畀其他人做都未定。」
採訪：戴彩煥
攝影：卓美娟