馬時亨上月帶團去北京開保險業投資研討會後，原來有下集，今個禮拜四會喺金鐘一間酒店，舉行國際資產管理中心研討會，肥亨梗係粉墨登場，做開幕主講人。但最矚目嘅相信係午餐主講嘉賓，就係做咗行政會議成員兩個月都未正式公開演講嘅中國證監會前副主席查史美倫。有小道消息話，肥亨同查太好熟，最近愉景灣補地價舊事，俾人揭發，咁嘅時勢，今次畀面肥亨，查太至肯開金口。
除咗查太之外，大會又請咗剛宣布明年退休嘅滙豐亞太主席艾爾敦出席，都算星光熠熠。今次大會主要係探討財經界人力資源嘅發展，近來市況好轉，財經界又開始搶人才，要加人工留人，定係高薪挖角好啲，相信係業內老闆要諗嘅問題。
傳真︰2623-9278
電郵︰