佘詩曼前日返家鄉中山宣傳，大受歡迎。影迷為了索取阿佘的簽名，不顧安全爭先恐後，幸好阿佘已習慣面對混亂場面，故非常鎮定。
佘詩曼、「四葉仔」司徒瑞祈和蔡淇俊前日在中山出席雅芳婷的宣傳活動，吸引過百巿民圍觀，甚受歡迎。影迷為索取阿佘簽名，不惜爭先恐後，引來一片混亂，幸好阿佘十分鎮定，處變不驚地應付混亂場面。
祖籍中山的阿佘表示因工作關係先後回鄉三次，她說：「呢次最開心係終於有機會食到石岐乳鴿，我食咗半隻，覺得好好味，重好想打包走㖭，不過可惜都燒唔切。」
阿佘今趟舉行了一個簽名會，可惜只有三十個籌，向隅的影迷為了得到阿佘簽名，竟爭相走近台邊，現場雖有十名保安維持秩序，但情況仍然混亂。不過阿佘卻能保持鎮定，她說：「影迷雖然好熱情，但佢哋都算好有秩序，可能我平時好少返嚟，所以佢哋見到我特別興奮，不過我一啲醜態都冇呀！記得上次喺珠海時重混亂，個簽名會重要腰斬。」
而「四葉仔」司徒瑞祈和蔡淇俊則在台上獻唱，問阿佘覺得兩位小師弟唱功如何？她說：「今次嚟中山可以有佢哋陪我都幾好，我覺得佢哋唱歌都好聽，呢次都係畀機會佢哋唱，所以我唔唱。」
採訪、攝影：曾小嘉
