【本報訊】紅灣半島發展商之一的新創建主席鄭家純昨強調，向政府「買斷」紅灣半島時，並未決定將物業拆卸重建，故政府無可能知道發展商會拆卸物業。至於新創建與新地是否需就重建紅灣半島支付補地價，鄭氏稱，需視乎未來的設計與契約現有條文有何不同，現時言之過早。
鄭家純表示，當日向政府買入紅灣半島時，政府並不知悉發展商有計劃拆卸重建，「好簡單，當時市價支持唔到拆建，因為拆建嘅話，必定要有大量建築費，當時簽約嘅市價，係差唔多每方呎四千元，拆建唔化算。」
對於環保團體不滿發展商為求更高利潤忽視環保，鄭氏說：「我撫心自問，拆卸紅灣半島對市民、社會有乜大影響，事實上係有一定好處：第一，沿着維多利亞港有幾幢唔係咁好睇嘅嘢喺度，我將佢用我嘅錢拆咗落嚟改建，起啲比較好睇嘅嘢……第二，我拆同起一定推動香港經濟，製造就業機會。」
另一大型發展商恒基地產主席李兆基昨出席集團股東會後表示，紅灣半島出現爭拗，應歸咎樓市突然飆升，「若今日豪宅市跌就冇晒事……做生意嘅梗係邊樣好做邊樣……唔係投資嚟做乜。」