今日是李克勤的三十七歲生日，昨日他在銅鑼灣與數百名歌迷一同慶祝。克勤表示本打算出席黃霑的追思會，但因生日會早已定好日期，部份來自內地和由外地返港的歌迷無法更改行程，故只好照原定計劃舉行。
克勤說：「最緊要都係有心。」問到其生日願望是否在年底的頒獎禮上奪獎時，克勤說：「最初係咁諗，但𠵱家我希望可成為每個香港市民嘅好朋友，我今朝經過大球場，見到市民排隊排咗幾條街，希望有朝一日我瓜咗，搞追思會都有咁多人嚟，所以𠵱家要唱多啲好歌，起碼要有幾首歌，令人哋嚟追思我。不過死咗都唔係計呢啲，唔係心目中尊敬嘅人香港人都唔會嚟。」
此外，林子祥（阿Lam）昨日以「光明大使」身份到屯門出席「林子祥燃亮小瞳之光」活動，阿Lam表示等黃霑安葬後才會去拜祭，他說：「大球場個悼念會有好多人去，我就會等到佢安葬好之後先去，同埋我覺得霑叔今次個喪禮咁快完成，其實可以睇得出佢個人係爽爽快快。
「我第二時嘅喪禮都好想好似霑叔咁，唔想經過一般嘅程序，咁爽快搞好晒係一個好好嘅方法。」
採訪、攝影：魯萍、李珮洳