郭鶴年媳婦郭由美子前晚以「印度西施」look出席公益金晚宴，她透露其母早前患上乳癌，要進行切割手術，郭由美子恐怕遺傳，故沖涼時常勤加檢查胸部。
曾蔭權夫婦、郭鶴年媳婦郭由美子、余錦遠陳家碧夫婦和施綺蓮等，前晚到尖沙嘴出席香港印度社團為公益金籌款晚宴，同場又舉行印度時裝騷及拍賣，共籌得二百多萬善款。
郭由美子一身性感印度服亮相，坐在巨型古董銀椅上拍照，恍如「印度西施」。郭由美子表示一身裝扮只在中環擺花街臨時購買，她說：「全間舖只得呢件啱我尺寸，所以就買，其實我好想去印度，尤其想去孟買坐觀光火車。」
郭由美子透露聖誕計劃到夏威夷度假，但要先到日本，她說：「因為我媽咪早前做完乳癌切割手術，𠵱家康復中。呢件事都remind我要經常多檢查，因為醫生話cancer會遺傳，我都好怕！惟有跟足醫生指示，經常沖涼時喺胸口搽番梘檢查，有事早啲發現囉！」
此外，有報道指羅美薇潔癖升級，搬家驗食水，與女兒出街又要帶私家食具，兩女之母的陳家碧則不覺對方過份，更表示自己亦是「緊張媽咪」，她前晚說：「唔係好大問題啫，好多媽咪都係咁㗎啦，我同啲女出街都會幫佢哋帶私家餐具，因為細路仔三、四歲抵抗力唔係咁高，小心啲都無可厚非囉。」
採訪、攝影：JessicaNgan
