受到人民銀行放寬攜帶人民幣出境上限至兩萬元的消息刺激，上周五零售股普遍上升，甚至講過想集資的恒豐金業（870），亦有資金炒落後，急升10.66％至1.35元，在上周五細價股不利消息眾多的環境下，實在唔簡單。
經紀黃話，大家好似唔記得咗利福國際（1212），自從利福在上海的久光百貨開幕後，隻股漸漸轉靜，但唔好忘記，本港經濟復甦加上自由行因素，始終利好利福。利福喺銅鑼灣的崇光百貨，近排人頭湧湧，擺明係好生意之象，加上年尾聖誕節及新年生意例旺，營業額料會錄得觀增長。
雖然上海久光有排都未能回本，但據講生意額正在穩步上揚中，市場傳聞利福打算在大陸再開第二間百貨公司。
利福上周五微升0.42％，收12.05元，成交股數111萬股，金額1365萬元。利福又聞到炒味，但此股向來波幅甚大，自問心血少唔受得刺激，則不宜多手。
慕容小初