盛傳滙豐銀行會有大規模人士調動，噚日出席公開場合嘅滙豐大班柯清輝柯總，當然就係例牌不予置評，話「傳聞有可能係真，有可能係假」。不過，見到柯總整個活動兩個幾鐘，笑容都無停過，連企喺度排隊都咁好笑容，直情好似已經升咗職咁！
八方後嚟再問柯總，係咪要恭喜佢呢？佢就話，「係呀，今日我哋滙豐攞（義工）獎，梗係要恭喜啦」。又有人問佢，係咪會入board（董事局）？佢都只係話，「我已經喺恒生個board啦」。無論如何，柯總噚日真係勁開心，重同一班公公婆婆一齊表演中樂。攞起個搖鼓又特別投入，玩到面紅耳赤㖭！
傳真︰2623-9278
電郵︰