【本報訊】專程由溫哥華返港的顧嘉煇，昨日下午在尖沙嘴凱悅酒店接受傳媒訪問時表示，他除在心中擬定好今日上台的演詞外，日前在溫哥華更花了兩晚時間為霑叔寫了一副輓聯，內文為「滄海一聲笑，笑傲江湖一名士。忘盡心中情，情牽當年每段詞」。顧嘉煇說：「原本我都準備咗一啲陪葬品燒畀佢，但既然佢都已經火葬咗，我惟有用輓聯寄語心情，喺我同佢合作咁多作品中，《忘盡心中情》係我最滿意嘅作品。」
談到未能出席霑叔喪禮，顧嘉煇以極度失望來形容當時他的心情，顧嘉煇說：「事前真係一啲都唔知，𠵱家心情平復過嚟，回心一想，如果係霑叔嘅意願，都要接受。其實我聰明啲嘅話，應該一早知道呢件事，因為佢屋企人聯絡過我，話五號有追思會，諗番轉頭，應該知道會喺之前舉行喪禮，佢屋企重叫我唔好同其他人講㖭。」
顧嘉煇前日返港後，還未有機會跟霑叔家人聯絡，由於後天他便返回溫哥華，若有機會的話，亦希望跟霑叔遺孀陳惠敏(Winnie)見個面，只是不知道對方是否願意而已。
黃霑生前友好之一的張立將於今日出席香港大球場舉行的「黃霑博士追思會」，前晚張立於中環一間書局內為其新書舉行分享會，其間張立透露自己與黃霑相識接近十載，今日他在追思會上將細數以前與黃霑相處之軼事。