【本報訊】不少家長都會對子女升中選校及面試感到煩惱，有中學校長教路，面試時最重要注意子女的服飾儀容、談吐及答問技巧，而家長選校時必須關心子女的情緒，切忌為子女決定一切。
教育統籌局昨舉辦升中選校及面試策略講座，吸引約八百名家長參加。香港管理專業協會羅桂祥中學校長鄧振強在講座說：「為咗測試學生能力，唔少學校都各出奇謀，譬如話要學生對住部電腦答一連串問題，有啲又會面試埋家長，或者要小朋友聽英文計數。」但無論哪一樣，家長最需要注意子女的儀容及談吐。
他續稱，學校面試程序其實由遞交申請入學表格已經開始，所以小朋友交表時應穿着整齊校服，由父母陪同。鄧振強又解釋：「父母陪子女去面試，父母應事先準備一兩題問題，畀小朋友問學校。而有啲學校會叫小朋友叫佢父母暫時離開面試室，其實學校係想睇吓小朋友點樣同父母溝通。」