余安安、任達華和王敏德等昨日到粉嶺參加高球比賽，為癌症基金籌款。余安安大讚故友黃霑是開心果，當年更為她改了「安安」這藝名，皆因熊貓「安安」多人錫，又易記。
鐘表名牌Omega昨日在粉嶺舉行「球星名人賽」，為CancerFund籌款，任達華與余安安、王敏德與名模Ling分組比賽。余安安打高球似模似樣，她自嘲說：「少少姿勢，冇實際㗎。」
余安安坐大會車到場時，在隧道口死火，要轉車才到場，安安表示曾試過爆胎、掉車匙，都有男士仗義出手，她說：「靚女都有啲好處㗎！」
提到黃霑病逝，余安安表示拍第一部電影《大家樂》時得到他的照顧，她說：「霑叔係好有才華，係開心果，對朋友報喜不報憂，好敬佩佢為人。」余安安又重提自己的藝名是由黃霑所改，她說：「我都要多謝霑叔，當時內地有隻熊貓叫『安安』，佢話安安多人錫又易記，所以叫我用，一直用到𠵱家。」
而任達華同場大騷一隻價值超過七萬元的Omega白金、綠寶腕表，他說：「我訂咗一年幾，準備送畀琦琦做聖誕禮物。佢𠵱家喺屋企休息，佢本記事簿已經改咗三十幾個名，都未決定到，我遲啲都會減少拍片陪屋企人。」
華仔在現場更加碼捐錢，他表示是琦琦吩咐，更表示她愛做善事，華仔說：「佢幫北京一本雜誌寫稿，稿費全部轉送畀一個貧窮嘅北大醫科生，支持佢讀書，對方唔知佢嘅身份，惟有寫信畀雜誌答謝，封信睇到琦琦喊晒。」
採訪、攝影：JessicaNgan
