聖誕瑞士滑雪預支密月?
李玟男友：已計劃結婚

連卡佛前晚舉行的派對，逾百嘉賓到場，其中李玟（Coco）與男友Bruce甜蜜蜜地手拖手出席，早前傳出二人結婚，但被Coco胞姊代否認，前晚記者向Bruce求證，他謂正在計劃中，並大讚女友是一個很甜的好女仔，聖誕節二人更會飛往瑞士滑雪。

本地名店連卡佛位於中環IFC的八萬二千呎旗艦店正式開幕，前晚在IFC舉行盛大慶祝派對，大會更特別贊助李玟、關之琳、古天樂、吳君如和何韻詩等穿上各式新裝到場，數百名出席的嘉賓則包括錢慧儀夫婦、設計師VivienneTam與國際名模Ling、任葆琳和潘楚穎等，又安排十多位名模示範新裝。

「我哋感情好好」
Coco前晚與男友Bruce手拖手入場，二人早前傳出婚訊，但均被Coco胞姊代否認，記者前晚遂向Bruce求證，他說：「如果係，一定通知你哋。」問Bruce結婚一事是否計劃中，他說：「我哋計劃緊，我哋感情好好，Coco係一個好甜、好smart嘅好女仔！」Bruce又謂Coco已為他有份投資的PureYoga拍攝宣傳硬照，聖誕節兩人會到瑞士滑雪。
提到Coco貴為Omega代言人，早前出席活動時竟戴卡地亞腕表，記者問她事後有否被Omega問話？Coco說：「唔好提喇，好冤枉呀！我今日除咗隻表，全身都係連卡佛。」Coco更即時展示身上的Omega新表，問她可是連卡佛topten貴客時，她即賣口乖說：「就算唔係，都係No.11。」

關之琳等人追
此外，關之琳以一頭短髮出現，提到黃霑，關之琳表示十六歲時已認識對方，她說：「識咗二十年喇，以前成日喺食肆撞到佢，霑叔個人冇憂愁，望人時好鍾意望對方額頭，好得意！」關之琳又表示現時沒拍拖也沒人追。
採訪：RitaLeung、JessicaNgan
攝影：EdwardChou