組合2R昨日往新城電台接受訪問，其間碰到新城娛樂台台長朱明銳，雙方互問對方的聖誕願望，妹妹Race即笑說：「希望二十六號新城勁爆頒獎禮當晚可以有歌曲獎。」銳哥聞言即回應說：「好易啫，你哋兩個努力啲，希望頒獎禮可以親手頒獎畀你哋。」事後問她們是否恨得獎，她們卻說：「唔係，有獎當然開心，係一個鼓勵，但冇獎唔代表冇努力過。」
另外，Rosanne緋聞男友陳冠希曾暗示一首好歌未必可以奪獎，要出席飯局才行，問Rosanne可有同感，Race搶答：「我哋冇應酬，只有一年一次同公司高層食飯。一首歌攞獎有好多因素，而且一首好歌唔代表要攞獎，好似Sammi隻碟入面都有好多好歌，但入面啲歌都係冇獎攞。」