明年元旦原本無團體話遊行，但搞吓搞吓，又西九龍、又紅灣、又公投、又最低工資，結果一次過有成四、五檔話遊行，起點又唔同，時間又唔同，真係百花齊放。民主派噚日開會，傾吓各方面點樣協調，最後有人建議，唔使一定夾埋一齊行，可以分頭開始，最後一齊喺政府總部集合，一樣可以做到好有聲勢。
民主黨李永達話，𠵱家由佢做負責人同政府講數畀所有示威人士入政府總部，不過八方擔心如果人太多，政府未必放行，但達仔話咁樣重好，政府真係落閘唔畀佢哋入，到時人潮聚喺政府總部門口大閘外面，睇吓政府冇面定民間團體冇面？
傳真︰2623-9278
電郵︰