有三十年酒齡的金融服務界立法會議員詹培忠說，不支持也不反對減酒稅，他笑問：「減稅係唔係為司長（唐英年）而設？」他形容飲酒是壞習慣，不值得鼓勵，「雖然我鍾意飲酒，但係我唔會原諒我呢個習慣，紅酒、白酒、茅台酒都好，都係要懲罰。」他愛飲紅酒，因紅酒是眾多酒類之中對健康損傷最小。
著有《嘆紅酒》一書的電台節目主持人陳任則支持減稅，因香港的紅酒「貴得好離譜」，「唔理乜嘢方案，總之減稅我就一定擁護。」他家藏紅酒數百，但承認不大捨得花錢買靚酒，「買支靚酒，畀咁多稅，好戇居。我又唔係李嘉誠，所以好間中先敢買支靚酒飲。」陳任嗜飲好酒已二十年，他說香港應該仿效新加坡，按每支酒不計貴賤劃一徵稅，即從量徵稅。
人所皆知是紅酒愛好者的財政司司長唐英年，今次建議檢討酒稅，難免令人猜測他珍藏的好酒，價值會否受影響。財政司司長發言人昨表示，司長深明市民關心他會否有利益衝突，若日後政府有決定，司長會有方法交代如何避免有利益衝突之嫌。
本報記者