LCDTV可以話呢期大家研究嘅「熱賣貨」！基本買機嘅人可以分兩大類，花得起者首選日本機，事關Panel比較靚也，不過以Sharp一部30"LCDTV為例，閒閒哋都要上2萬餘元，真係幾高消費！次選有韓國仔，不過30"嘅機價都要上到$15,000，雖然平咗一截，但都唔係話超平賣！
最近旺角AV場新返咗一隻PackardBell300ASW嘅30"LCDTV，論往績！佢一向都有出開15"-17"嘅LCDTV仔，加上佢係電腦廠老品牌，質素真係有一定保證；至於今次嘅300ASW，生產來源地為東南亞，計畫質！可能相對韓國仔會爭咗少少，但如果用嚟硬拼國產機，畫質就明顯高好多；不過更吸引嘅係佢嘅價錢，新機落地價$9,980，喂！好似國產機都未必玩到「唔過萬」呢個價喎！想平平哋玩番部LCDTV，絕對係今期最抵玩靚畫質之選。
至於最關心嘅硬件規格方面，基本行16:9（1,280×768）、對比度500:1、可視角度170度、色差/光纖/同軸輸入、HDTVReady……等，絕對是水準之內，加埋咁平嘅入門價，真係冇乜投訴。
記者：朱崇德
華仁會
電話：23980280
地址：旺角花園街75-77號花園商業大廈5,6樓