土炮街牌出波鞋<br>慶賀Fingercroxx專門店誕生！

土炮街牌出波鞋
慶賀Fingercroxx專門店誕生！

本地街牌Fingercroxx，由原名Starr改名已有兩年歷史，如今位列香港街牌三甲位置。雖然受歡迎，但由於是Double-Park旗下的自家品牌，所以一直寄居於其舖內。今日，Fingercroxx終於設立其專門店，款式當然比Double-Park內更齊。開幕期間，順道推出冬季新貨，新一季以越野賽車為主題，食正今年冬季的野外熱，今次由Fingercroxx主理人Wallace、祥仔親身示範。此外，Fingercroxx更推出首對自家波鞋，連波鞋都玩埋！

記者：李崗華　攝影：黃子偉

綠X衣架最搶眼

Fingercroxx的首間專門店坐落於銅鑼灣的新i.t內，整個店的裝修以簡潔為主，再配以Fingercroxx的主題綠色，沒太多多餘的裝飾品，最潮位可算是衣架上的X字樣。

Fingercroxx推出首對波鞋！

作為一個香港街牌，Fingercroxx出品的產品範圍經已算完整，比不少日本街牌還要多，今季Fingercroxx更推出首對波鞋，論賣相絕對不俗，加上價錢不貴，應該不乏捧場客。問及主理人Wallace點解會推出波鞋？佢話全因自己都係一個波鞋癡！

■鞋盒用上Fingercroxx的主題綠色，再加上其Logo，雖沒太多花巧但勝在簡潔。DetailsCheck！

■鞋踭的是FingercroxxLogo的上半截，幾有玩味。

■鞋帶扣擺明玩Chanel，呢個亦係Fingercroxx今年主題Crash的Logo。

■黑色低筒絨面Sneakers($420)

■黑色高筒燈芯絨面Sneakers($420)

■卡其色高筒燈芯絨面Sneakers($420)

Crash主題玩越野賽車

每季Fingercroxx都會定下一個主題，今季就以越野賽車為主題，Fingercroxx主理人Wallace親自解畫：「其實今季的設計概念來自越野賽車運動，名為Crash，Crash的意思是指賽車碰撞產生的動作及聲音。服裝方面，是以越野賽車手的裝備融入冬季系列，今季更加入以兩個C交錯成為冬季的標記，貫徹了以賽車為設計的概念主題。」