日本男星藤木直人為宣傳佢即將推出嘅大碟《COLORMAN》，前日喺六本木山搞咗個宣傳活動。為咗配合大碟主題，藤木喺新碟封套上將自己個靚仔樣畫到五顏六色，而當日參加活動嘅一千五百個fans都不惜做花面貓支持偶像，藤木重親自為五位幸運女fans上色㖭。藤木表示新碟《COLORMAN》代表顏料店，千祈唔好直譯做「色男」喎！