Norah日本開騷掀撲飛潮

格林美得獎靚聲女歌手NorahJones下年四月會喺日本東京、橫濱同大阪開騷，啲飛唔使一個鐘頭已經火速賣晒，而喺容納五千人嘅東京國際Forum加場嘅飛亦都好快售清。
另外，Norah重會喺同期首次踩入日本音樂會聖地武道館開騷，雖然呢場騷一萬張門票下星期六先至正式公開發售，但外間預料到時啲飛又會俾人狂搶。