由《南華早報》同DHL合辦嘅○四年「香港商業獎」噚晚頒獎，今屆「商業成就獎」由東方海外主席董建成奪得，即係特首董建華個細佬。其實東方海外除咗業績輝煌外，舊年股價升幅更係全港上市公司三甲，做股東嘅不知幾開心。
至於其他得獎者，有TOM集團靚仔CEO王兟奪得「傑出管理獎」；飛達帽業副主席兼董事總經理顏寶鈴奪得「東主營運獎」；「青年企業家獎」得主係理文造紙嘅CEO李文俊；「海外拓展成就獎」得主係長江基建集團。另外，晶門科技奪得「傑出企業獎」；裕元工業就奪得卓越獎狀。
（左）董建成（右二）喺評選團主席張信剛手上接過獎項。
傳真︰2623-9278
電郵︰