組合2R近期擔任「平安鐘大使」，日前Rosanne和Race自掏腰包到超市購買廁紙、米及洗衣粉等日用品，往柴灣探訪一位獨居婆婆。當婆婆提到丈夫患有老人癡呆症的慘況時，2R忍不住與婆婆一同落淚，其後二人清唱兩曲，才令婆婆破涕為笑。
女子組合2R成員Rosanne及Race，近日獲長者安居服務協會委任為「平安鐘大使」。日前兩姊妹更身體力行往柴灣探訪一位獨居婆婆，二人先往杏花邨一間超級市場，自掏腰包購買了一些日用品，包括兩包米、粟米油、罐頭食品、廁紙及洗衣粉等，約六百元。
之後2R便乘坐保母車，將物品送往獨居於柴灣環翠邨的鍾婆婆家中，令婆婆開心不已。鍾婆婆哭訴丈夫因患了老人癡呆症而入住老人院，並已認不出她，Rosanne聽罷已兩眼通紅，隨後更與Race哭成淚人。2R最後強忍淚水，為婆婆清唱兩歌，這才使婆婆重現歡顏。
事後Rosanne說：「婆婆一講到個老公唔認得佢，我已經忍唔住喊，好彩後尾都𠱁番婆婆笑。我哋覺得探啲老人家好有意義，希望可以做多啲去推廣吓，等多人捐錢，為老人家籌款安裝平安鐘，因為有平安鐘嘅話，佢哋有乜需要都會有人知。我𠵱家先知接聽平安鐘求助電話嘅係義工，佢哋真係好好，而且重好有耐性同愛心㖭！」
Race則說：「我哋喺香港唱歌唱咗咁耐，我外婆未有機會睇我哋嘅表演已經過咗身，所以我都忍唔住喊。希望有多啲人可以幫手宣傳同做義工，籌多啲錢幫老人家啦！」
採訪：朱倬誼 攝影：葉君海
