由騎呢組合ILoveYouBoyz主持的有線娛樂台節目《玩死男朋友》,日前邀請了吳嘉龍及梁俊一在旺角街頭,與巿民大玩遊戲,爭奪「最佳男友」美譽。
吳嘉龍和梁俊一與兩名參賽者除了鬥快食雪條、在香爐上紮馬鬥耐力外,又即場用額頭控制筆桿,寫下示愛語句,兩位嘉賓最後獲得ImageGirl隔着膠片獻上香吻。
身材健碩的吳嘉龍在比試紮馬後,感覺費力又尷尬,他說:「太多人望住,動作好似去廁所咁,亦估唔到自己咁唔fit。」吳嘉龍表示現實生活中的他絕不會在街上向異性高調示愛,他說:「我覺得好麻煩,喺街又有壓力,喺屋企就可以。」
採訪、攝影:張俊銘