張敬軒新歌《Blessing》的歌詞乃黃霑遺作，不過為免被人誤會博宣傳，故張敬軒決定在半年內不會把此曲作為商業用途。
日前軒仔接受本報電話訪問，他在電話中說：「我同公司講咗，喺半年之內都唔會喺商業活動上唱呢首歌，呢個係我自己畀自己嘅承諾，除非係紀念霑叔嘅場合就另作別論。」
軒仔並謂該曲長達六分多鐘，平日電台播歌的時間一貫為三分鐘，但電台對該歌曲很支持，竟播足六分鐘版本，令他甚感欣慰。
此外，早前軒仔在廣州購下一頭小黃狗並取名為BB，但BB患上肺氣腫，軒仔說：「我用一百五十蚊買隻狗，但睇醫生都用咗三千幾蚊，好彩𠵱家冇乜事啫。」
採訪：朱倬誼