天氣開始轉涼，覺得熱辣辣嘅米飯特別好食，所以有煲仔飯功能又或可以做有味飯嘅電飯煲，都會特別受用家歡迎。現時新款的多功能電飯煲，煮煲仔飯、有味飯、煲粥、煲湯都搞得掂，有啲重可以焗埋蛋糕，完全自動化操作。一煲在手，即使是入廚新手都冇有怕。
記者：梁彩燕
攝影：蔡鴻雯、楊錦文
Model：YoYo（d8）
多功能電飯煲冬天最啱用
現今的多功能電飯煲，唔單止可以煲飯咁簡單，配合埋它的各項電腦自動邏輯烹調功能，更能做出不同種類的食物。只要加入不同餸菜及調味料，再選擇烹調功能，即可煮有味飯，甚至煲仔飯及糯米飯，冬天最啱用。
瓣瓣掂：煲仔飯都搞得掂
型號：樂信牌RA-RP15
這款紫砂飯煲，採用微電腦智能控制，可煮7杯米約14碗飯。除可煮一般白米、絲苗米外，就連糯米、糙米都搞得掂，煲仔飯都難唔倒佢，另外咖喱飯、潮州粥亦非常拿手，更有西式焗蛋糕功能。
售價：$888（a）
可做糯米飯
型號：威馬GRC180E
1至12人份量，可煮白米、糯米、糙米外，連菜飯都識煮。操作簡單易明，煲粥、蒸餸、煲湯當然唔少得，精鑄5層鋁合金內膽夠硬淨。LCD顯示屏，幾時有得食就一目了然喇！ 原價：$898
特價：$698（a）
冷飯加熱功能
型號：忠臣PK100
1.2公升，4至5人份量。有煮飯、煲粥、煲湯、冷飯加熱及保溫功能，更可以焗埋蛋糕。中文按鈕操作簡易，堅固內膽易潔耐用。
原價：$399
特價：$199（d）
燜食物慳一半時間
型號：PrimadoPC5000
呢個快速智能煲，可煮20人飯量，綜合咗壓力煲、真空煲同電飯煲的優點，煲粥、煲湯、燜、燉、蒸甚至焗蛋糕都得。用來燜燒蹄筋、牛腩等難熟食物，更比一般電飯煲快一半時間以上。
售價：$988（g）
焗出美味蛋糕
型號：樂聲牌SR-TMA10N
微型電腦飯煲，2至6人飯量，預設調控焗蛋糕的適當溫度和時間，飯煲頂部及底部均有加熱器，能焗出美味蛋糕。除此也可煲粥、稀飯、糙米飯或蒸包都得，有12小時保溫功能。
售價：$628（a）
2mm超強內鍋
型號：美的MB-YD30D
微電腦快思邏輯電飯煲，2至4人份量，可焗蛋糕、煲粥、煲湯及蒸餸，電腦會自行調節溫度，不怕煮燶。2mm超強內鍋，屬超硬耐磨晶石的不粘塗層，不用擔心米飯會黐底。
售價：$299（e）
免洗米功能
型號：象印NS-NAQ05
呢款電腦電飯煲，3人份量，可煮有味飯，更可調校保溫時間之長短，免洗米功能可煮日式免洗米飯，最啱懶人。音樂提醒功能，最啱冇記性的主婦們，彩色LCD顯示屏清晰又夠靚。
原價：$1,188
特價：$648（a）
簡易煲粥煲湯
型號：樂信牌RA-FH15MC
多功能電飯煲，可煮1至8人份量，除了可煮一般米飯，還可煲粥、煲湯、燉雞鴨、蒸魚等。備有保溫及時間設定功能，液晶顯示屏烹煮時間清晰易見並且操作簡易。
原價：$628
特價：$438（a）
西施飯煲易用受歡迎
西施煲雖然唔夠多功能電飯煲咁多花臣，但勝在易用最受家庭主婦歡迎。市面的西施煲，除一般的煮飯功能外，還可以簡易操控其他烹調方法。
波紋厚鍋受熱均勻
型號：樂聲SR-INSG18
磁應導熱西施電飯煲，全日本製造，波紋型的厚鍋可使米飯均勻受熱，軟硬適中，即使米量較少都可煮到粒粒恰到好處。可煮白米、糙米以至壽司米。
售價：$1,598（a）
快煮功能夠省時
型號：象印NS-MYQ10
快思邏輯電飯煲，1公升容量，2至4人飯量，可快速煮飯，慳時慳力。可定時預校熱飯時間，最啱繁忙的上班一族，LCD時間顯示器一目了然。
原價：$1,488
特價：$488（b）
3人小家庭夠用
型號：東芝牌RC-5GSHI（P）
呢個西施電飯煲，0.54公升，2至３人份量。備有時間掣，可調校煮飯時間、快速煮熟功能，而煲粥或煮混合米都得。易潔內膽耐用堅固，外形前衞。
售價：$598（d）
鎖緊營養：15小時預約煮飯
型號：美的MB-FC16
迷你西施煲可煮3至4碗飯，備有15小時可預定煮飯時間，精煮、快煮、粥、湯、冷飯加熱功能有齊。球面厚鍋及太空黑晶內膽堅固硬淨，並有營養保溫功能，保溫同時鎖住米飯營養免流失。
售價：$339（d）
內鍋加厚50%
型號：美的MB-FD50D
1.8公升微電腦智多星西施電飯煲，8至10人份量，內鍋加厚50%，超硬耐磨不黏塗層，最持久耐用。設有特色快煮、冷飯加熱功能，亦可選擇小量煮飯或精煮功能，迎合不同家庭需要。
售價：$399（d）
日本製造
型號：虎牌JNL-N550
原裝日本製造，0.54公升，可煮6碗飯，亦有煲粥功能，附送透明膠蓋、蒸架，內鍋不黐底亦易於清潔。兩掣按鈕，操作簡單易用。
原價：$680
特價：$449（b）
一個掣最易操作
型號：象印NS-PQ10
1公升容量，單一按鍵最容易操作，內置自動保溫功能，穩固的上蓋安全得來有助保持米飯新鮮程度及鎖住水份，易潔內膽，附送蒸架。
原價：$698
特價：$428（b）
6面均勻加熱
型號：GoodwayGRC-150
密封式原味電飯煲，備有6面範圍加熱，可全面平均地使米飯均勻受熱，美國科技“PTFE”鐵氟龍不黏塗層，米飯更鬆香軟熟。
售價：$398（e）
傳統電飯煲最啱老人家
如果諗住買個電飯煲，純為煲飯的話，那麼傳統的電飯煲就最啱用。用法簡單直接，洗米後一㩒掣即可將生米煮成熟飯，老人家就最啱用。
自動火力調節
型號：KenwoodMC200
這款全能電飯煲，易潔內鍋，1公升容量，可煮2至5人飯量。飯、湯、粥、甜品、燜、蒸、燉都做到，自動火力調節最安全放心，米飯亦能均勻受熱。
原價：$398
特價：$378.1（c）
長者適用
型號：象印牌NH-SQ06
可煮6至7碗飯畀2至4人享用，老人家或小家庭選用就啱Size，煮飯、保溫功能理想，透明耐熱煲蓋，附送蒸架。
售價：$199（e）
操作簡單：耐熱手柄
型號：東芝RC-118EL
1公升電飯煲，2至4人份量，耐熱手柄及蓋的，堅固內膽，一掣式按鈕操作直接簡單。
售價：$248（f）
售賣點
（a） 西田百貨 26941111 沙田新城市廣場第3期2樓
（b） 崇光百貨 28338338 銅鑼灣軒尼詩道555號
（c） WingOnPlus 27106288 九龍彌敦道345號永安九龍中心
（d） 實惠 27820129 旺角荷李活商場1樓全層
（e） 日本城 23751012 佐敦恒豐中心地庫L8
（f） 吉之島 28846888 鰂魚涌康山道2號康怡廣場南
（g） 裕華國貨 23840084 佐敦彌敦道301至309號