侯莎莎早前曾在許冠傑（Sam）演唱會中演出，明年她再獲阿Sam眷顧，有份參演對方新加坡及澳門舉行的巡迴個唱。莎莎與阿Sam合作多次，她稱讚對方平易近人沒有架子，而且對新人很體貼。
莎莎日前在尖沙嘴接受訪問時，笑言自己在阿Sam身上又食又拎，她說：「阿Sam教我學功夫，得閒又請我哋食嘢同練吓結他，佢重送咗好多禮物畀我，有時佢好似朋友咁同你傾偈，有時又好似爸爸照顧個女咁，佢個人真係好好，絕種㗎啦。」
莎莎稱若自己他日找男朋友，也希望對方能有像阿Sam般的好人品，她笑說：「人品一定要好似佢咁好，但我驚呢世都搵唔到。」
採訪：朱倬誼 攝影：陳偉權
髮型：TaylorWan（HairConcept）