關心妍今年初本發展不俗，可惜其間卻發生被無綫封殺及一度禁出寫真的風波，諸多阻滯，故她對樂壇頒獎禮已不寄厚望，惟有趁早轉戰神州掘金，她更邀請了林夕為新歌《慘得過我》填詞，憑歌寄意。
關心妍今年初舉行個人演唱會，唱片銷量亦很穩定，奈何卻發生被無綫封殺、一度禁出寫真及被傳成綁架目標等，令其發展放緩，難怪她對快將舉行的各個樂壇頒獎禮不存厚望，而且更要高歌一曲《慘得過我》表心聲。
關心妍日前接受本報記者訪問時說：「今年有好多嘢真係好慘，寫真又封殺、無綫又封殺、又綁架咁，好彩我都重未殺得死，入行三年，今年係最辛苦同最困難嘅一年，紅館開個唱係每個歌手嘅夢想，冇諗過開個唱嗰晚之後就一仆一碌，碌到年尾，年尾總結真係慘得過我，所以至搵林夕寫呢首歌。」
關心妍表示對各樂壇頒獎禮不存厚望，她說：「我係完全冇諗過，我咁嘅年資，再等吓先啦！」
趁機轉戰神州發展的關心妍，入行後其實付出不少，她為令自己更省鏡，年前曾承認花了二萬多元往日本接受挑雙眼皮手術，把原來一單一雙的眼皮挑成雙眼皮，她認為勇於承認很「潮」，故她對名模樂基兒大膽承認隆胸亦大表佩服。
關心妍說：「我覺得做得出又唔怕認，冇乜大不了，外國有好多人都係咁㗎啦，都係為尊重件事，唔想上鏡咁核突啫。樂基兒認隆胸，就算佢唔講，由出道到𠵱家，睇相都睇得出啦，佢係唔鍾意講大話啫，我佩服佢㗎，呢啲係與時並進，呢個年代大家對好多事都接受咗，勇於承認係潮事嚟嘅！」
問關心妍可曾考慮隆胸？她即笑說：「唔使啦啩？我夠㗎啦，已經成日被人話，太大好似唔係咁好睇。」
採訪：朱倬誼
攝影：仇志德
服裝：SistyrMoon
場地：twentyoneandtwentyone
