有線靚女倫敦拍特輯撞完肥谷再撞邪

娛樂新聞台主持衞志豪、黃翠如和鄭文日前到了倫敦拍攝聖誕特輯，巧遇前往當地看足球的谷德昭。其間黃翠如的戰利品一度在酒店離奇失蹤後出現，嚇得她經常疑神疑鬼。

有線娛樂新聞台三位主持衞志豪、黃翠如和鄭文，早前到了英國倫敦，拍攝聖誕特輯，並打算買聖誕禮物送給三位藝人包括譚詠麟、張學友和成龍。衞志豪透露買了與足球有關的禮物給譚校長，而黃翠如原本打算買古董送給學友，去到當地著名市集Portobello選購時，竟然巧遇谷德昭。

專程往看球賽
黃翠如向谷德昭表示想找電影《摘星奇緣》內出現的藍色門，肥谷說：「我都想搵呀，不過拆咗，聽講話太多人嚟睇，所以拆咗。」肥谷表示此行並非為拍戲，而是專程來看英國足球聯賽，他說：「我買唔到車路士嘅飛，惟有睇第二場啦。」
最後黃翠如買了禮物給學友的家人，而鄭文則買了以成龍名字命名的禮物，三人在倫敦六日間，碰到了件匪夷所思的事件。
黃翠如說：「我哋都有自己去shopping，酒店離巿區都幾遠，我將買返嚟袋嘢放喺酒店，之後再出去，返到嚟竟然唔見咗。」

物品忽隱忽現
黃翠如續說：「初時以為酒店有人手腳唔乾淨，但housekeeping話一定唔會，跟住佢重幫我哋一齊搵，最後拉開張床，發現袋嘢喺床下底，但我哋明明記得放咗喺櫈上面！再講，袋嘢唔可以就咁塞落床下底，一定要拉開張床先得。」黃翠如之後在行程中經常疑神疑鬼，又經常被攝製隊人員作弄，扮鬼嚇她。