「佢煲湯煮飯畀我食好感動」
小春狂掃波鞋報答女導演

陳小春在內地拍劇期間，因為受到女導演悉心照顧，為了報答對方，小春日前返港辦理私務時，特別買了十多對波鞋送給她及劇組人員，好讓大家長時間站立時都不會腳痛。

陳小春最近在內地與孫興拍攝《天下第一媒》，在橫店拍完外景後，最近又轉到蘇州和杭州繼續拍攝工作，今次小春在內地與攝製隊合作得十分開心。

「等隻腳舒服啲」
小春日前在電話中表示：「呢次同我合作嘅導演係一個五十幾歲嘅女人，佢真係好似大家嘅媽媽咁，對大家照顧周到，不時在現場煲湯同煮飯畀我食，真係令我好感動同溫暖。」
為答謝導演的照顧，小春早前回港一日辦理私務時，就買了十多對波鞋送給她和劇組人員，藉此答謝他們的照顧。小春說：「喺內地開工嗰陣，我見佢哋成日都要企，咁企法，對鞋係好緊要嘅，所以我咪諗住買對好啲嘅波鞋畀佢哋，等佢哋隻腳可以舒服啲，我重買咗兩對畀導演，佢平時對我咁好，咁我點可以對佢唔好呀！」

習慣內地環境
小春在劇中扮演中國四大才子之一的祝枝山，今次角色造型比較成熟，又黐了鬚，小春笑言：「初時黐鬚唔係咁習慣，但耐咗就冇乜感覺，同孫興合作都幾好玩。」
小春已非第一次回內地拍劇，所以對內地的工作環境，早已適應過來，就連劇組人員都以為他是自己人，不會視他如港星般存在着溝通問題。