唔覺唔覺馮華健做咗廣管局主席已經兩年，最近佢被邀請連任多兩年，任命將會刊憲。佢任內收費電視經營者真係買少見少，走吓一個，走吓又一個。連電視廣播嘅收費電視──銀河衛視個美國合作夥伴Intelsat都退出，令電視廣播要向港府申請豁免權，容許佢尋找新策略投資者。到今日，廣管局都未批准佢嘅豁免申請。
因為一旦港府再次為電視廣播開改牌照先例，自然招致其他經營者不滿；但銀河衛視開台半年，估計客戶約一萬，一旦停止運作將會對客戶構成影響，馮生連任相信首要解決就係呢個問題。
傳真︰2623-9278
電郵︰